2016-2017 წელს ჩატარებული აქტივობები

                     

                     2016-2017 სასწავლო წელს                                              განხორციელებული  აქტივობები

                                                         მე-5 ა კლასი

              პრეზენტაცია თემაზე: საქართველოს დაცული ტერიტორიები.

       

                  განხილული თემები:

               1. ლაგოდეხის ნაკრძალი:

               2. ვაშლოვანის დაცული ტერიტორიები;

               3. ბორჯომ-ხარაგაულის ეროვნული პარკი;

               4. კოლხეთის ეროვნული პარკი.

               აღნიშნული აქტივობის მიზანი იყო: ჯგუფში მუშაობის, პრეზენტაციის, მსჯელობის, შედარების, საკუთარი აზრის გამოთქმის, რუკასა და ტექსტზე მუშაობის უნარების განვითარება.

                             გაეროს იმიტირებული სხდომა

   მე-VIII ა კლასში დაიგეგმა და განხორციელდა  პროექტი:  იმიტირებული გაეროს სხდომა თემაზე: "თანამედროვე ბუნებრივი კატასტროფები და მათი აღკვეთის გზები."

     სხდომაში მონაწილეობდნენ:

     ექსპერტთა ჯგუფი (მოსწავლეები);

     სტუმრები სხვადასხვა ქვეყნიდან (მასწავლებლები).

   პრეზენტაცია მოიცავდა შემდეგ საკითხებს:

    საგანგებო სიტუაციის სახე; თავისებურებები;

    მისი წამოჭრის მიზეზები და თავისებურებები;

    კონკრეტული საგანგებო სიტუაციის გაფრთხილებისა და მისი                           ლიკვიდაციის საშუალებები;

    სტატისტიკური მონაცემები;

    რეზოლუციის მიღება.

კლასი დანაწილდა ოთხ ჯგუფად. თითოეულ ჯგუფს ევალებოდა ინფორმაციის მოძიება-დახარისხება, კედლის გაზეთის შექმნა, სლაიდების გაკეთება, ექსპერტებთან კონსულტაცია და თარჯიმნის როლის მორგება. პროექტის დრო განისაზღვრებოდა 2-3 კვირა.

        

                   

                             

                                         

                                                     

                                        იმიტირებული სასამართლო პროცესი

 მე-10 მე-11 კლასის მოსწავლეებში მოეწყო იმიტირებული სასამართლო პროცესი თემაზე: წინასწარი შეცნობით არასრულწლოვნის განზრახ მკვლელობა. პროცესის იმიტაციას აკეთებდნენ შემდეგი თანამდებობრივი პირები და რიგითი მოქალაქეები:

 დაზარალებულის  დედა; 

 სახელმწიფოს დაცვის სპეც. სამსახურის თანამშრომელი;

 დაზარალებულის სკოლელი;

 დაზარალებულის მეზობელი;

 გვირაბის მენეჯერი;

 ბრალდებული;

 დაცვის მხარე;

 პროკურორი;

 მოსამართლე;

 ნაფიცი მსაჯულები.

    საქმე ეხებოდა სისხლის სამართლის პროცესს. მოსწავლეებმა მოიძიეს სტატისტიკური ინფორმაცია არასრულწლოვანთა ბრალეულობებზე, იმსჯელეს მათ შესაძლო აღკვეთის გზებზე, ადამიანის უფლებებზე და იმ კონკრეტულ საკითხზე: თუ რა უნდა გააკეთოს სახელმწიფომ, რომ მოხდეს დანაშაულის პრევენცია და შემცირდეს/აღიკვეთოს ძალადობა ქვეყანაში.

         მე-10 გ კლასის მოსწავლის სვეტა სარქისიანის                                                      უკუკავშირი

  სამწუხაროდ  ჩვენს ქვეყანაში მოზარდის კრიმინალისკენ მიდრეკილება-დანაშაული ბავშვებში აქტუალური და მოუგვარებელი პრობლემაა. კაცობრიობა დასაბამიდან დღემდე ცდილობს შექმნას ყველა დროის ბავშვზე გათვლილი იდეალური მოდელი, ზოგჯერ უმკაცრესი, ზოგჯერაც-ზედმეტად ჰუმანური და ლოიალური, მაგრამ აღზრდის უნივერსალურ მეთოდს ვერავინ მიაგნო. არც ერთი ადამიანი არ იბადება დამნაშავედ, დანაშაულისკენ მუიდრეკილება გარემო ფაქტორების მწვავე ზეგავლენაა. სწორედ ესაა ჩვენი მისია-შევქმნათ ისეთი გარემო, სადაც მოზარდების კრიმინალისკენ მიდრეკილება შემცირდება. ცალკეული ადამიანის ქმედებებზე პასუხისმგებელია საზოგადოება...

სასწავლო-შემეცნებითი ექსკურსია

მე-9ა,ბ გ კლასის მონაწილეობით

            მე-9 ა,ბ,გ კლასის მოსწავლეებში პროფორიენტაციისა და კარიერული დაიგეგმვის პროგრამის ფარგლებში დაიგეგმა და განხორციელდა სასკოლო შემეცნებითი ექსკურსია საზოგადოებრივ  კოლეჯ  „აისში“. 

ექსკურსიის მიზანი იყო:

• მოსწავლეთა დახმარება საკუთარი ინტერესების, შესაძლებლობების, უნარების, ღირებულებების გაცნობიერებასა და განვითარებაში;
• მოსწავლეთა ინფორმირება საგანმანათლებლო შესაძლებლობების შესახებ;
• მოსწავლეთა აღჭურვა პროფესიული გადაწყვეტილების მიღების თეორიული, პრაქტიკული ცოდნითა და უნარებით.

IX-X კლასის მოსწავლეების საინფორმაციო,გაფართოებული შეხვედრა პროფესიის არჩევის მიზნით კოლეჯ  „სპექტრის“ წარმომადგენლებთან.

სახანძრო-სამაშველო მუზეუმში

IV ა,ბ,გ,დ კლასის მოსწავლეებმა სახანძრო-სამაშველო მუზეუმი და ღირსშესანიშნაობები დაათვალიერეს. სახანძრო და სამაშველო სამსახურის მუშაობით დაინტერესებულმა სკოლის მოსწავლეებმა, სამსახურის ისტორია დეტალურად მოისმინეს. მეხანძრე-მაშველებმა ბავშვებს სახანძრო მანქანებიც დაათვალიერებინეს და საჭირო რჩევებიც მისცეს.

,,სცენაზე გაცოცხლებული თბილისი"

 საგანმანათლებლო აქტივობა მე-5ა კლასის მოსწავლეთა მონაწილეობით

9 აპრილი

 საგანმანათლებლო აქტივობა ,,უფროსკლასელები- უმცროსკლასელებს"  

მე-9გ კლასის მოსწავლეებმა პირველ და მეორე კლასის მოსწავლეებს მიაწოდეს ინფორმაცია (მათთვის გასაგებ ენაზე) 

9 აპრილის ტრაგედიის და ეროვნული ერთიანობის დღის"  შესახებ, აუხსნეს გაზაფხულის ყვავილის "ტიტების" სიმბოლო, პატივი მიაგეს დაღუპულ გმირებს, მოაწყვეს საინფორმაციო კამპანია "ფილმის ჩვენება" მთელი სკოლის მასშტაბით. აქტიურად ჩაერთვნენ სხვადასხვა კლასის მოსწავლეებიც. მონაწილეობა მიიღეს პლაკატების, მაკეტის და ტიტების დამზადებაში. 

            

რა, სად, როდის?

        მეოთხე კლასებში ჩატარდა ვიქტორინა ,,რა, სად, როდის?" სამოქალაქო თავდაცვასა და უსაფრთხოებაში. პირველი ადგილის მფლობელი გახდა 

მე-4 დ კლასის გუნდი "ფარი", ხოლო ყველაზე ჭკვიანის ტიტული მოიპოვა მე-4 გ კლასის მოსწავლე მარიამ ნინოშვილმა. აქტივობის მიზანია მოზარდებში ლოგიკური აზროვნებისა და ანალიზის უნარის განვითარება, ასევე მოსწავლეებში ზოგადი განათლების დონის ამაღლება.

სასწავლო-შემეცნებითი ექსკურსია

მე-9 გ კლასის მონაწილეობით

მარშრუტი:რაბათი; საფარა; მწვანე მონასტერი; ბორჯომის პარკი.

კლასგარეშე განათლება, რომელსაც მოსწავლე არაფორმალურ გარემოში იღებს, ისევე მნიშვნელოვანია მისი სოციალური და კვლევითი უნარების განვითარებისთვის, როგორც კლასში გამოყენებული სპეციალური მეთოდები.უფრო მეტიც-ამ დროს მოსწავლეები გართობისა და დასვენების დროს გაუცნობიერებლად იძენენ ახალ ცოდნას, განივითარებენ უნარ-ჩვევებს, გამოიმუშავებენ გარემოსადმი სწორ დამოკიდებულებას,თანაც მას კოლექტიური,ორგანიზებული ფორმა აქვს. წინასწარ დაგეგმილი ექსკურსია საინტერესო და საგანმანათლებლო ღირებულების მატარებელია.

              ბედნიერი არდადეგები....... ახალი ენერგიით და შემართებით 2017-2018 სასწავლო წლისკენ😑😑😑😑